A maugrat de la crisi sanitària, Balmesclat que’s harà, mes au format numeric ! Rendètz-vos a 18h sus la nosta pagina Facebook, la nosta cadena Youtube o sus Ràdio País.
Au programa :
– Conferéncia de Xavier Vidal sus las danças de Carcin
– Concèrt deu Duo Vidal
– Concèrt de Dirty Caps
Si desiratz sostiéner l’eveniment, esitatz pas a har un don. Las vòstas « bilhetas d’entrada virtuaus » que ns’ajudaràn a pagar los artistas e a cobrir los frais de foncionament.
_____________________________________
Duo Vidal
Aquera ententa avugla qui uneish lo pair dab lo hilh que balha frasats e variacions liberats. La lor musica qu’ei gessida d’ua complicitat bi-decennau qui’s senteish e qui hè gaug a enténer. L’acordeon en question, lo vriolon e la clarineta en responsa, las votz en question / responsa… Qu’ei lo bal deu Duo Vidal.
Dirty Caps’
Dirty Caps’, qu’ei l’istòria de tres òmes qui an mes tot lo lor amor e lo lor saber-har en comun tà ns’auherir lo melhor deur lors terradors, de Bigòrra au Carcin en passar per las Lanas. Dirty Caps’, qu’ei un esperit de libertat qui ne s’arrèsta pas de virolejar com un dançaire de borrèia o de branlo. Dirty Caps’, qu’ei un bal qui rebat ua tradicion viva, tostemps enriquesida per l’innovacion au servici de la qualitat e de la tipicitat deu son.