Que hè adara ua tropa d’ans que Menestrèrs Gascons organiza los bals mesclats. Lo principi qu’ei simple : un grop gascon e un grop d’un aute parçan que’s partatjan la serada tà animar lo bal. Lo vrèspe, un estagi que permet d’apréner las danças d’aulhors. Après Alsacians, Vendeans, Flamands, Aragonés, Provençaus, Auvernhats, Italians, los invitats d’augan que van representar lo Quebèc.
15h30 : Estagi de dança . Ormuz que prepausa au public de descobrir danças tiradas de la pratica quebequesa deus sets carrats e de las contradanças. Lo dialòg deu câlleur dab los dançaires que permet d’iniciar de faiçon ludica e dinamica los dançaires a las figuras qui compausan los sets carrats e a las formulas qui las anónçian. La postura e lo reclam dab la ritmica deu « reel » que’s tribalha a la debuta de la session. Lo partatge d’ua dança collectiva, per carrats de quate cobles, que’s hè sus danças com « Coupez par 6 » qui, pr’amor d’estar danças-jòc, e deishan ua gran libertat tecnica aus dançaires pendent los desplaçaments quan lo « câll » e hè las anóncias.
Prètz 15 € – reservacion au 06 83 98 40 26 (plaças limitadas)
21 h Bal
Espartenhas – Aquestas musicianas occitanas originàrias de Gasconha que hèn víver musicas e danças tradicionaus de lor e tanben de Catalonha, Portugal, Italia, mercés aus encontres e escàmbias.
Ormuz – L’invit a la dança qu’ei au centre de la serada. Començants e confirmats que’i trobaràn lo plaser de las danças abitaus de coble, lo plaser de la descobèrta de las practicas collectivas deu set carrat quebequés. Lo mèste a dançar, acompanhat deus musicians, que mia lo bal dens un ahuecat.
Prètz : 10 € shens reservacion
Rensenhaments : 06 83 98 40 26