Brigada Menestrèrs
Papar'Òc
Valsas, scottishs, polkas, rondèus e sauts bearnés... tot un bal gascon dens un ambient conviviau assegurat per Papar'Òc.
Licotissa
Licotissa qu'ei un duo ancorat en la tèrra gascona, dont lo tec ei la musica de dançar. Mei que mei gromandetas de las divèrsas fòrmas de rondèus, Mathilde e Anne-Lise que's regalan tanben dab plaser d'autas danças, que sian de Gasconha o d'aulhors.
Gahem la lua
D'orizonts mediterranèus, nòrd-americans, gascons e pirenencs, aqueras quate hemnas que tòcan ua musica eclectica sus las basas de las danças tradicionaus immemoriaus. Qu'animan atau las pistas de bal tradicionau en tot reivindicar la plaça de la hemna e deu saber-víver dens aqueste monde.
Hip-h'òc, une rencontre
Hip-h’òc, une rencontre, qu’ei ua creacion susprenenta e poetica qui mescla hip-hop e dança tradicionau. Duas dançairas gasconas, un dançaire hip-hop, duas musicianas tradicionaus qu'an apitat amassa aqueth espectacle qui'ns conta lo lor rencontre explosiu.
Espectacle Tots en dança
Un espectacle susprenent d'un vintenat de minutas qui torna visitar los sauts e los branlos bearnés, en tot nos interrogar suu noste rapòrt aus autes, a la dança e a la holia.
Los talhèrs que'vs hèn dançar
Los aprenents deus talhèrs deus Menestrèrs Gascons que'vs prepausan animacions dancas dens un ambient conviviau e hestiu. Ua sola mira : lo vam, la hami de'vs har dançar e lo plaser de musiquejar amassa.
