Tà la Sautejada deu 4 de deceme de 2021, Menestrèrs Gascons que dan un desfís taus musicians : compausar la melodia d’un Saut bearnés sus un mande impausat.Tot lo monde que i pòt participar, quau qui sia l’instrument (los cantaires que pòden har « au traderai »). Lo mande que segueish la construccion classica d’un Saut (duas frasas musicaus repetidas ad lib., cadua qu’ei arretocada) :
- purmèra partida : melodia de 8 temps arretocada tà encadenar 2 còps 2 Simples (8 temps), çò qui balha 4 Simples sus 16 temps
- dusau partida : melodia de 14 temps arretocada tà encadenar 2 còps : Virar 2 còps (4 temps) + Simple 3 (6 temps) + Simple (4 temps)
Sia :
- quate simple (16 temps)
- virar dus còps (4 temps)
- simple tres (6 temps)
- simple (4 temps)
- virar dus còps (4 temps)
- simple tres (6 temps)
- simple (4 temps)
Que podetz enviar las vòstas melodias (format audio o vidèo) au mei tard lo 26 de noveme a l’adreça associacion@menestrersgascons.com. Ua seleccion de tròç que serà difusada au parat de la Sautejada e, taus qui ns’agradaràn mei, los compausitors que poderàn estar invitats a’us tocar sus l’empont.
Menestrèrs Gascons que causiràn tanben un ganhant au quau auherirà un bon de crompa de 40€ dens la botiga de l’associacion.
Si avetz questions, que podetz escríver a associacion@menestrersgascons.com.