Menestrèrs Gascons qu'organiza tres eveniments màgers dins l'annada :

• Balmesclat (mai-junh) : ua jornada dab estagi de dança e bal, pendent la quau la cultura gascona convida ua auta cultura tà hargar amassa aqueth « bal mesclat ».
• Sautejada (octobre) : ua jornada arron los sauts bearnés, mes sauts bearnés revisitats, destornats, transformats...
• Estagi d'Arzac : dus dias d'estagis de musica e de danças d'ací e d'aulhors, dab un bal tà hicar en practica çò aprés pendent la jornada.

Qu'organiza tanben dus talhèrs-bals animats peus aprenents deus diferents talhèrs de musica, e cada mes un rendètz-vos au mercat de Pau tà dançar los sauts bearnés.