Brigada Menestrèrs
Papar'Òc
Valsas, scottishs, polkas, rondèus e sauts bearnés... tot un bal gascon dens un ambient conviviau assegurat per Papar'Òc.
Licotissa
Licotissa qu'ei un duo ancorat en la tèrra gascona, dont lo tec ei la musica de dançar. Mei que mei gromandetas de las divèrsas fòrmas de rondèus, Mathilde e Anne-Lise que's regalan tanben dab plaser d'autas danças, que sian de Gasconha o d'aulhors.
Espectacle Tots en dança
Un espectacle susprenent d'un vintenat de minutas qui torna visitar los sauts e los branlos bearnés, en tot nos interrogar suu noste rapòrt aus autes, a la dança e a la holia.
Los talhèrs que'vs hèn dançar
Los aprenents deus talhèrs deus Menestrèrs Gascons que'vs prepausan animacions dancas dens un ambient conviviau e hestiu. Ua sola mira : lo vam, la hami de'vs har dançar e lo plaser de musiquejar amassa.
Les accordéonistes de Lys
Los aprenents deu talhèr d'acordeon deu Lis qu'animen eveniments de tot escantilh : bals, passacarrèras, aperitius... Que vederatz, lo lor vam e la lor complicitat que son comunicatius !