Menestrèrs Gascons e Ça-i qu’organizan un concors d’interpretacion musicau taus escolans de las escòlas de musica deu 64 e deus departaments limitròfes.

Aqueth concors qu’a per objectiu d’incitar los escolans a s’apropriar los Sauts bearnés, qui hèn partida deu repertòri tradicionau deu departament, e de har lo ligam enter l’aprentissatge de la musica e un eventuau futur investiment dens un grop de musica perenne. Que’us permet de sortir deu quadre de l’aprentissatge e de l’execucion en solò tà anar de cap tau de la prestacion publica, dab las exigéncias qu’aquò e demanda.

Tad aquò har, que deven constituïr un grop de ua a quate personas e’s filmar com interprètan un Saut bearnés. Que deven enviar las vidèos a l’adreça associacion@menestrersgascons.com abans lo 15 de noveme. Que seràn difusadas pendent la Sautejada numerica deu 28 de noveme.

Lo grop laurejat deu prumèr prèmi que guanharà un dia d’enregistrament e de mesclatge a l’estúdio Carlamusa. Lo grop laurejat deu second prèmi que guanharà un exemplar deus CD Sauts biarnés de l’arribèra e Sautejada tà cadun deus sons sòcis.

Tà participar

Que trobaratz tot lo detalh de las modalitats de participacion dens lo reglament deu concors :
⇾ Teledescargar lo reglament sancèr

Las particions deus Sauts que’s pòden trobar sus la pagina Ressorsas deu noste site, dens la seccion « Sauts bearnés – Particions ».

Que podetz escotar los Sauts suus CD Sautejada (Madisaut) e Sauts biarnés de l’arribèra (autes Sauts).

Menestrèrs Gascons qu’ei a la vosta disposicion tà vs’explicar com e’s dançan aqueths Sauts e com jogà’us tà dançaires.

Si voletz mei d’informacions, que podetz escríver a associacion@menestrersgascons.com.