Dab drin de retard en causa de la pandemia, Menestrèrs Gascons que hestejarà los sons 40 ans dab ua exposicion de fòtos de Denis Frossard intitulada « Menestrèrs Gascons, 40 ans de musica e de dança ». Lo vernissatge que’s harà a las Halas de Pau lo dimenge 5 de deceme a 11h30.

Aquera exposicion, qui’s poderà véder a las Halas pendent tot lo mes de deceme, que da ua vista de las activitats de l’associacion despuish la soa creacion en 1980.