Teledescargar la plaqueta (dab bulletin d’inscripcion) : Arzacq2019

ESTAGIS :

• Oraris deus estagis : Dissabte 14h30-18h – Dimenge 9h30-13h
• Possibilitat d’aubergament au Centre d’arcuelh.

Danças de Bigòrra (Jérôme Carrère, Benjamin Bouyssou, Yoann Delor)
Pendent l’estagi, que vederem mei d’ua dança de Bigòrra, en ronda, figura e passa-carrèra, gessida de diferentas valadas de Bigòrra, atau com la lor istòria.
Danças relativament fisicas mas accessiblas au mei gran nombre.
Jérôme Carrère qu’ei animator d’un talhèr de dança au CDMDT 65 e transmetor dens un grop folkloric despuish nombrosas annadas.

Sauts bearnés taus començaires (Marie-Claude Hourdebaigt, Mathilde Duffau, Anne-Lise Herbel)
Danças emblematicas deu Bearn e deu País Basco, los Sauts que tienen la jogadura de motivar un vertadèr ahuegament popular en tot ajant la reputacion d’estar « complicadas ». Mes fin finau, que sufeish de quauques indicacions plan precisas, quauques nocions-claus, drin de bona volontat, de practica gaujosa e eficaça e que fonciona !
En mei, qu’ei bon tà la memòria, la concentracion, la convivialitat e la bona umor, uas bonas rasons da gausar lançà’s !

Acordeon diatonic (Marc Castanet)
A partir deu repertòri mei que mei gascon, tribalh sus l’aquisicion de quauquas melodias a dançar (rondèus e congòs, autas danças de l’airau gascon…) qui hican l’accent sus la dinamica, la cadéncia, lo tempo, lo « rapòrt a la dança », quauques elements d’ornamentacion, tribalh arron los acòrdis, lo jòc d’ensemble.
En resumit, tocar çò melhor possible tà har dançar, tà partatjar lo plaser !!!
Nivèu : que vau miélher mestresar dejà drin lo son instrument (per exemple, conéisher las ritmicas
2/4, 3/4, 4/4, 6/8)
10 participants maximum.

Guitarra a dançar (Denis Frossard)
Qu’apreneretz la tecnica de jòc de ritmes dab o shens mediator, arron recèrca de formulas adaptadas a las danças tradicionaus deu repertòri occitan.
Denis Frossard qu’ei cantaire e guitarista. Que tribalha mei que mei sus las musicas tradicionaus occitanas d’America Latina.

_______________________________

BAL dobèrt a tots dissabte 16 de noveme 2019 – 21h30 dab :
Duo Ça-i t’Aci,
Brigada Menestrèrs,
Licotissa.
Sala deu larèr rurau a Arsac (devath la Residéncia Joens)

Entrada 8€.

Teledescargar la plaqueta (dab bulletin d’inscripcion) : Arzacq2019