Posted on

Menestrèrs Gascons que'vs perpausa de'vs filmar a participar a un bal adaptat au contèxte. Un bal completament holastret, mes qui's pòt har sol a casa. Causitz un o mei d'un desfís ací-devath, filmatz-vos e enviatz las vòstas videos a associacion@menestrersgascons.com, o postatz-las sus Facebook dab lo mot-dièsi #baldestimborlat.

Qu'avem associat punts a cada desfís en foncion deu son nivèu de dificultat. Çò mei enregistratz danças, çò mei averetz punts.

Que podetz interpretar las danças sus las musicas qui causeishetz.

Las videos que son mesas en linha suu site de la Sautejada, sautejada.menestrersgascons.com/baldestimborlat.php. Extrèits que seràn tanben difusats pendent lo gran dirècte, lo 28 de noveme de 18h a 20h.

Lo classament definitiu deus participants que serà desvelat dens la setmana qui seguirà.

Mazurka magdalena de Proust

Dançatz ua mazuka dab la vosta peluisha preferida

Peluche

La solucion de facilitat tà trobar un cavalèr / ua cavalèra shens sortir de casa.

Nivèu : hèra aisit
Punts : 2

Scottish dab 6 pès

Dançatz ua scottish assetat

Assis

Dançatz ua scottish en posicion assetada. Assetat/assetada sus ua cadièra, sus un escabèth, suu canapè, suu sòu...

Nivèu : hèra aisit
Punts : 3

Polka deus bessons

Dançatz una pòlka dab vos-medish dens lo miralh

Miroir

Ua auta solucion tà la manca de partenaris de dança. Mes drin mei complicada.

Nivèu : aisit
Punts : 4

Rondèu en cadena manuau

Dançatz un rondèu en cadena dab las mans

Mains au sol

Hicatz cauçaduras sus las vòstas mans, pausatz-las suu sòu o sus ua taula e dançatz un rondèu en cadena.

Nivèu : aisit
Punts : 5

Valsa a graupas

Dançatz ua valsa a graupas

A quatre pattes

Dançatz ua valsa a graupas suu sòu (o sus un canapè, un lheit..). Genolhèras autorizadas.

Nivèu : mejan
Punts : 6

Rondèu a dus digitau

Dançatz un rondèu a dus dab los dits

Doigts

Imaginatz que los vostes dits son camas e dançatz un rondèu a dus. Dab ua o duas mans.

Nivèu : mejan
Punts : 7

Congo miniatura

Hètz dançar lo congo a aluquets

Allumettes

Hètz dançar lo congo qui voletz a aluquets o curadents. Eths, qu'an lo dret d'estar a mensh d'un mètre los uns deus autes.

Nivèu : dificile
Punts : 8

7 sauts de tots los dangèrs

Dançatz los Sèt sauts dab un culhèr e un ueu

Oeuf et cuillère

Hicatz dens la boca lo mange d'un culhèr dens lo quau e pausatz un ueu, e ensajatz d'arribar au 1èr saut (ueus borits autorizats).

Nivèu : dificile
Punts : 9

Bònus : dança sus las mans

Dançatz en marchant sus las mans

Marche sur les mains

Dançatz ua dança qui causeishetz en marchant sus las mans. Quau que sia. Si i arribatz, ne vam pas estar exactius suus detalhs.

Nivèu : hèra dificile
Punts : 10