Dissabte 5 d’octobre, Menestrèrs Gascons qu’organiza a Masèras (64) la Sautejada, un dia arron los sauts bearnés dab animacions lo vrèspe e bal lo ser.
A partir de 17h30 a la sala Marcelle Courtois, animacions a gratis que’vs seràn perpausadas : Pantelon XXL (recòrd deu monde deu Pantelon mei long), demostracion hip-hop e sauts, dança deus sauts de creacion (Madisaut, Ceridet, Saut de la sau) e aperitiu-cantèra. Que trobaretz de qué minjar au taulèr de las Calandretas.
Lo ser, tostemps a la sala Marcelle Courtois, qu’ei previst a 21h l’espectacle Tots en dança. Que serà seguit d’un bal dab Licotissa, Brigada Menestrèrs e Joan-Francés Tisnèr. Pendent los interplatèus, que poderatz ensajar de participar aus karaokes deus sauts. L’entrada deu bal que serà a 8 €.
Ça-vietz sautejar a Masèras lo 5 d’octobre !